لحدمن تضل صابر ياعراق الخير
وسيوف العده بدلالك يطعنن
صرت حايط نصييص محد يعليك
صح جفوف يبنن بس اكو يهدمن
شفت انهار اربع بيك جنت ثنين
دجلة ويه الفرات بضيمهن يجرن
ثالثهن نهر صب من دموع العين
والرابع دمه من ركاب الي نذبحن
بنفطك رضعت كل الدول بالضيم
كبرن واعلة ذبحك تالي انفطمن
وانته الجنت سيف بايد من ينخاك
تالي سيوفهم بجفوفك يبترن
كرخك والرصافة اصبحن بركان
يومية بقذيفة وعبوة ينفجرن
عجيبة شلون تسكت بعد كل الصار
حتى نجوم علمك كامن يكبرن