قصيده هزليه في مصارحه طالبه

طالب وعايف دروسي
وقره أشعار وجرايد

وعاشگ بنیه بقسمنه
والگلب بس الها راید

هيه حلوه هواي حلوه
وانه عمي شلون واحد

بالفرن ناسيني أهلي
وحته لون عيوني جارد

حاولت ألفت نظرها
بكل وسيله وماكو فايد

غيرت لبسي ومشيتي
وفكري بالمودات شارد

جللت شعري وصبغته
ولبست حته گلاید

گعدتني عله الحديده
لا بعت حته الحدايد

لا تگلي ولا أگلك
بهذلتني والله شاهد

وهيه تدري بس خبيثه
مثوله والدلال بارد

وانه نار بنص دليلي
خاف أصارحها وتعاند

مره اگول آحچي معاها
مره اگولن خلني راچد

وين چانتلي يربي
جنت متونس وگاعد

وقررت لازم أبوح
بحبي ألها وما أحايد

بوري ما بوري أسولف
قابل مصارح مجاهد

جيت وتقربت منها
جسمي يرجف حيلي بايد

والضغط يمي تخربط
مره نازل مره صاعد

گمت اتمتم گمت اعتعت
کمت احس بلسانی جامد

چنی سیاره عتیگه
ونکسر من عدها گاید

ردت أفلت معد ترهم
گالت أتفضل شرايد

گلت عفوا من رخصتچ
بلکي عندچ قلم زايد

أصعب شئ بالحب هو المصارحه أكثر الشباب يعانون من هذا الشئ

هههههههههههههههههههههههههه

بقى السؤال هل كان عدها قلم زايد؟
عاشت ايدك

هههههههههههههههههههه

مشكوووووووره

على المرور