هذه مساجله بيني وبين الشاعر بهاء العقابي

السلام عليكم

هذه مساجله بيني وبين الشاعر بهاء العقابي والتي ابدأت بالبيت المسموع التالي

ردت طيفك يلوح بليل مالاح
طعم فركاك صار هواي مالاح
بعد ما ادز رسائل وابد مالاح
لان كلما ادز مترد عليه
بيت مسموع

نضرته يلوح شخصك علي مالاح
كصر حبل الموده وياك مالاح
شأحط فوك الملح ويصير مالاح
ويغزر بالاوكله بذني اديه
بهاء العقابي

اليحن الغير شخصك مالحنه
ولحن الفرح بعدك مالحنه
تريد الزاد يصبح مالحنه
ماي العين صعد ضغط بيه
مرتضى الناصري

طعم الزاد بعدك مالحنه
صخر قلبك عليه مالحنه
يضل جفي بجفاكم مالحنه
دموع العين حنن جف اديه
بهاء العقابي

يضل قلبي لهواكم حنه حنه
وضهري اليوم بعدك حنه حنه
لاتضن بجفوفي حنه حنه
بواجي العين دمهه اثر بديه
مرتضى الناصري

ترف بجفاك ضهر هواك حنيت
وجفوفي بدم دليلي اليوم حنيت
تركت النوم هلبت يوم حنيت
تجي ومر الكرام تمر عليه
بهاء العقابي

شوكك ما وصل شوكي وحني
وضلوعي اعليك اكسرهه وحني
شكثر اصبغ بشيباتي وحني
شيب صبغي والحنه عليه
مرتضى الناصري

ترف حسبالك جفوفه حناني
مثل حني السعف شوكه حناني
بلايه شعور ملكته حناني
كعد يلعب بقلبي وعينه اليه
بهاء العقابي

حنان البيك ياسمر منحناني
وانه المن غير حنه منحناني
مزاجي وللموده منحناني
عجيبه شلون حبك سكن بيه
مرتضى الناصري

انتضر ردودكم

[ندعوك للتسجيل في المنتدى أو التعريف بنفسك لمعاينة هذه الصورة]شكرا ممتاو ممتاو ممتاز

مشكرا على مرورك الرائع

[ندعوك للتسجيل في المنتدى أو التعريف بنفسك لمعاينة هذه الصورة]
سلامــــــــــــــــــــــــــــــــــــــــــــــــــــــــــــــــــــــــي

مشكور حبي امير الظلام عالمرور

و الله شعر روعة و انة عجبتني هاي الابوذية

شوكك ما وصل شوكي وحني
وضلوعي اعليك اكسرهه وحني
شكثر اصبغ بشيباتي وحني
شيب صبغي والحنه عليه

يسلموووووووو ع الشعر الجميل
الله يعطيك العافيه