هوه الشوك صدفه قابلاني
شيجي منكم عليه قابلاني
تقشمرني بضحكتك قابلاني
غشيم وتعبر الضحكة عليه
****************
نخبط ضيمي وحزن قلبي معلمه
وبعد كل واحد يهمني معلمه
يريت الله يهيئلي معلمه
اخدد والمدام تكد عليه
***************
حبيب الروح بعد مرروني
وصرت طوبه بجدمهم مرروني
ساهه يشوت مرة مرروني
وبعد يا كولجي يلحك عليه
***************
من فوك الجبل للكاع هاوين
وترانه للصرف كل يوم هاوين
من امد ايدي اعله جيبي يصيح هاوين
ما تستحي تمد ايدك عليه
****************
يقلبي الحزن بس اعليك لاياك
مشه ولا سأل عنك يوم لاياك
سحبه ولا بياض البك لايك
واذا ربطت دكلي شلون بيه
موضوع: ابو ذيات منوعه 
السبت أبريل 05, 2008 5:39 pm
