جرح اللي بيه چبير مرهم مفادة ... جروح الگلب والنوح صارتلي عادة
¤¤
كل جرح تراه ايطيب وابمرة الايام ... و جرح الگلب ميهون لو مرت اعوام
¤¤
الواشي صار سنين يفتر علينة ... ومن گدر يوصل ليك مارحم بينة
¤¤
عيون العراق أعيون من أحلى العيون ... فن وأصاله وخير بس عدنـــــا تلگون
¤¤
يلشعرك طويل هواي نازل علمتون ... يوميه امرن بيك يمته تمرون
¤¤
ضاگت علينه شلون دنيانه ضاگت ... ضيم وقهر وهموم والروح شابت
¤¤
انهجم بيت الليل هاطوله بجفاك ... شو يمر مثل الطيف من اگعد وياك
¤¤
صح انته عني بعيد من تحسب امتار ... بس انته وسط الروح مبنيه الك دار
¤¤
لا تشكي همك للناس الشكوه حيرة ... محد يصيح احى من جرح غيره
¤¤
حگي من أحامي إعليـــچ ياشجرة التيـن ... ماي الربيـــتي إعليه من دمعة العيــن
¤¤
مگدي وادگ بيبان مو غايتي فلوس ... غايتي اشوف هواي وانزل عليه بوس
¤¤
هم همي هم الناس هم همك انتة ... صديق وملح و زاد كل هذا خنتة
¤¤
هذا الوكت دولاب يفتر ولا يدوم... گضيت العمر وياك بس احسب هموم
¤¤
حاولت ادز الروح شو روحي بيدك ... ودمي تركني وراح يمشي بوريدك
¤¤
هاك أخذ ها شتريد شتريد أخذ هاك ... هوه العمر فلسين يسوه أبليـاك
¤¤
حبك يبعد الروح سور أبطن سور ... هم قفل هم كيلون هم حارس يدور
¤¤
زعلان مني الحلو گلولي شلون....حاجيني گلبي انشلع يا اسمر اللون
¤¤
كل ما افكر بيك تدعمني كيه ... يا عمي تالي وياك شنو هالاذيه
¤¤
اه منك اه عليك اه من اشوفك .. حملت كلبي اهموم وتگلي اعوفك
¤¤
لا وحده ولاهي اثنين بلولاتي بلولات ... ريت العمر ماطال گمت احسد المات
¤¤
الما يـنـام اللـيـل عـلـه عـلى عـله ... العـيشـه عـقـب اهواي عيشة مذله
موضوع: دارميات جديدة 
السبت أبريل 05, 2008 6:53 am
