ابوذيات الغدر والخيانه

خلبص واعدل بكيفك وشربك
وبان الغيض بعيونك وشربيك
اجرعك لو جنت حنظل واشربك
واحبك لو صرت جتال اليه

كفر هذا العملته وياي موصد
وكلبي تلكه سهامك حضن موصد
بابك بس عليه هواي موصد
ولغيري فتحته وخنت بيه

ياهو الفات لكليبك وطبله
مو انت الدوه لجرحي وطبله
تدري بنغمة اكليبي وطبله
نغمته من تدك كل ساعه عليه

اضلل عالصديج وعلي ماضل
وياهو العن طريجه اليوم ماضل
اغربل بالربع ضليت وماضل
سوى الغربيل ثابت بين اديه

تره الحب مو حجايه بالمعاني
ومثل الذهب صافي بالمعاني
بمحيطك صاير اني بلم اعاني
وروجت غدرك التلعب عليه

لاتظن نار كلبي اعليك تبرد
وبعد كل الحجيته وياك تبرد
شوكت مااجيك بسجين تبرد
دهاك اذبحني هوه شضال بيه

حلو طبعك حبيبي من تعادي
احكمت كلبي قساوه وانت عادي
تمنيتك حبيبي من تعادي
تعادي اليوزونك عليه

البشر معدن تعرفه بيوم ينحاك
ويوم التوكع ومكسور ينحاك
علي خيط المصايب دوم ينحاك
واليكتلك اخوي الحاك اليه

كلبك صرح علي صراحه
والمقيد انه كلبي وما يطلب سراحه
تريد الصدك واحجيلك صراحه
تره هواي كمت اتعيل بيه

زماني هموم بيه هموم خله
وكلبي اشكد بجه من راح خله
يلايم لاتلوم الكلب خله
خله ينوح من هاي الأذيه

وحك المصطفى وحيدر والأحسان
ربعي انكرو كل طيبي والأحسان
هون ياكلب واصبر والأحسان
ميخونك الا الذاته رديه


[ندعوك للتسجيل في المنتدى أو التعريف بنفسك لمعاينة هذه الصورة]

مشكوووووووووووووووووور

على المرور


يـــــــــــــــــــــــــــــــــــــــــــــــا

على المحبوب


شكرا