منتديات الشموس
ومضات Welcom10

منتديات الشموس
ومضات Welcom10

منتديات الشموس
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالرئيسيةأحدث الصورالتسجيلدخول

 

 ومضات

اذهب الى الأسفل 
كاتب الموضوعرسالة
الفارس العراقي
::المشرف العام::
::المشرف العام::
avatar


ذكر
عدد الرسائل : 2245
الأقامة : العراق
مزاجي : ومضات Qatary31
جنسيتك : ومضات Iraq10
علم بلدك : ومضات Male_i11
الأوسمة : ومضات Tmqn3
تاريخ التسجيل : 16/05/2008

ومضات Empty
مُساهمةموضوع: ومضات   ومضات I_icon_minitimeالثلاثاء نوفمبر 15, 2011 1:50 am

مات
الشوك بيه ..
وماتت اللهفه ..
ومو ذاك آنه الأول مثل متعرفه ..
تغير حتى كلبي ..
مو مثل ما جان ..
وكل دكات كلبي اليوم مختلفة ..
هواي جروح بيه وبلكي من انساك ..
ترتاح الجروح وبالعجل تشفه ..
هاي انت الردتها اتواكحت وياي ..
وقابلت الحنان بروحك الصلفة

::::::::::::::::::::::::::::::::::::::

لامثلك كمر لانجم يضوي بليل

لاحلوه الحلاه ياناعم بكدك

لامثلك عطر لاورد لاريحان

وياشامه التجيب الشامه لبخدك

لتعلم جفوفي تكضك من الزيج

تراهه مسودنه وما تقبل اتهدك

وي كلبي اتشاقه كتله راح انساك

فز كله على حيله وكالي شحدك؟


::::::::::::::::::::::::::::::::::::::::;;;


جنت غلطان ما خذ غيبتك دوم
تحلفلي واجذبك وانهي العتاب
وتجي وتوكف وباب الروح مسدود
وچنت لغير حبك فاتح الباب
ادور فرصة حتة ازاعل وياك
وعلى كل كلمة اسوي حساب وكتاب
وارد زعلان منك ما اعرف ليش
واتركك من اروح ادور اسباب

::::::::::::::::::::::::::::::::::::::::::

مثل لهفت سجين ايتاني الافراج
عليك انة صرت صدكني ملهوف
واذا كتلك احبك انة غلطان
لان حتى الاحبك ناقصة احروف

::::::::::::::::::::::::::::::::::::::::::

انة وياك عايش صارلي سنين ماحسيت مرة بحبنة فاني
نسيت الدنية بس لا لحضة انساك بس من ارمشت حبك نساني

:::::::::::::::::::::::::::::::::::::::::::::::::: ::

خلل سوه جمالك بالقناعات
الاجمل من جمالك وين نلكاه ؟؟
بعد حتى الحلو من نقارنه وياك
يم حسنك انكله استغفر الله

::::::::::::::::::::::::::::::::

ارجعيلي

لخاطر امي الكشخت بطاريج كدام الكرايب
ارجعيلي...
كلشي بعدج بية شايب
حتى طاري الضحكة الشايب
واني جنت اوياج مرجوحة وقصيدة
وتشتهني العافية بلهفة حبايب

:::::::::::::::::::::::::::::::::::::::::::

لا لتلوم كلبك خله ينساهم
وانسه الذكريات الجانت وياهم
ودوس على الكلب لو فززك بالشوك
ولتمر بالدروب البيها ممشاهم
صح حلوين همه و حلو ملكاهم
تالي تغيروا ذبحوا محبة سنين
شافوا طير ثاني بغصن ناداهم
لا لتلوم كلبك خله ينساهم

::::::::::::::::::::::::::::::::::::::::

انه اشلون بيه وحرت وياي
وبجت وياي عيني بدم عليه
أخذني وياك مني وكلشي ما ريد
اذا سافرت وحدك شلي بيه

:::::::::::::::::::::::::::::::::::::::::::::

حبل بلساني ربطو حتى ما احاجيك
ورادوني اعوفك وانته تنساني
سمعو عيني تحجي اتكول احبك موت
شتتوقع يكلك لو فكو لساني

:::::::::::::::::::::::::::::::::::::::::::::::

انا لمن اشوفك لا بعد ماشوف
وجهك مو طبيعي ونور بيه ابيض
يالشفتك عسل جيتك اريد شفاك
صدك لو بستني بعد ما امرض

::::::::::::::::::::::::::::::::::::::::

دك بابي الحزن بس مافتحت الباب
بذاك الوكت جنت مضيف الفرحه
وضحكلي الزمن خلاني امن بي
وعلى غفله جرحني ومارحم جرحه

:::::::::::::::::::::::::::::::::::::::::::::

ل طولك مناره وحاجبك سيفين
ورموشك نخل وعيونك احلامه

وخدودك نوارس والحلك بلور
سبحان الرسم بخدودك الشامه

وبخصرك غزاله وتتعب الصياد
انه كلبي بغرامك تعبت اسهامه

شنو من حسن عندك تعب الرهبان
الكافر من يشوفك يعلن اسلامه

ولان حبك حضاره ومملكه وتيجان
عرش بلقيس يمك دنك الهامه

::::::::::::::::::::::::::::::::::::::::::

طويناها صفحتك وانتهى الموضوع فعل ماضي صفيت وخلصت المده
شتتوقع مني ابوس جدامك من تروح واسحك كبريائي واطلب النجده
صح الكمر اكبر والنجوم اصغار بس تحله السمه موبلكمر وحده
واذا ساكت تره مو لان ماكو لسان مرات الصمت من الحجي ابده
من اكتب شعر لاتعتقد بطران البلابل بالقفص من ضيمهه مغرده


::::::::::::::::::::::::::::::::::::::::::

اسف لو اكلك اني غلطان مو قصدي اضربك لو امد ايدي عليك
لاكن من جمالك داخت الروح تيهت الشفايف بستك بأيدي

:::::::::::::::::::::::::::::::::::::::::::::::::: :::::::;


مو بيدي .. العشگ يسري بحنايا الروح
و من شفتك حبيب الروح سميتك
حسيتك قريب واغلى كل الناس
و لا چنك غريب و هسه لاگيتك
و مو سكته و دفن حبيتك و خجلان
كل الناس تدري بيوم حبيتك

:::::::::::::::::::::::::::::::::::::::::::::::::: :

لأن طبع اليحب معروف عند الناس
صافن والحچي كله ابصفنته
وانتَ لا تحن لا مثلي هم تشتاكَ
وقانون العشكَ وحدك عزفته
مو هيچ اليحب كَلب اليحب ولهان
ولا كَلب اليحب هم هيچ دكَته

:::::::::::::::::::::::::::::::::::::::::::::::::: :


صفه ليلي صبح ... والصبح مثل الليل
وغارك بالعشك من دون صحباني

كل الناس تفرح والافراح تزيد
وانه بكل وكت تضاعف احزاني

وقوي جان الكلب .. وعيوني خوش عيون
ما بجاهن احد مهما اذاني

بس انته غرامك كدر يلوي الايد
وضعفني وكبال الناس بجاني

::::::::::::::::::::::::::::::::::::::::

طحنا من شفنة اضفرك مو أيديك
وانتة غطيتة وچنت كلــش حــــــريص
عاد بينة اتخيل انتة شراح ايصير؟
لو تفك بس دگمة وحدة من القميص
الرجوع الى أعلى الصفحة اذهب الى الأسفل
 
ومضات
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتديات الشموس :: المنتديات الأدبية :: منتدى الشعر الشعبي-
انتقل الى: