ANT_3MRE ::شمّوس فضي::
عدد الرسائل : 507 العمر : 45 الأقامة : العررررررراق _ البصرررررره مزاجي : جنسيتك : علم بلدك : الأوسمة : تاريخ التسجيل : 22/11/2008
| موضوع: ناجح مدري راسب الإثنين نوفمبر 09, 2009 8:28 pm | |
| إدرس يا وطن ما لحكت ربعك ليش المفروض منك تاخذ إنت إعفاء
ناجح مدري راسب مدري طحت كمال أنطيك النتيجة وتفرح وأستاء
صرت أشطر وطن عالعروبة إلبيك وصفر كل العرب من الألف للباء
ولهذا السبب كسلان بالإعراب ولهذا السبب ليهسه ماكو إنشاء
لأن كلك قواعد يا وطن مملوء إنطيتك صفر يا وطن بالإملاء
وأمريكا وإختها يرفعن النفطات وينصبن قواعد تنشر البيداء
والفاعل تحذفة وتبني عالمفعول وشعبك المسكين معفول به بل حتى بالآباء
وبغداد وإختها أعربهن بيا حال مكسورات خاطر هي والحدباء
وإعفيتك بالزراعة وهسة أكلك ليش لأن صارت فحم كل أرضك الخضراء
ولأن أكثر بلد بيك إنزرع عبوات وأسئلة الزراعة نحلها بالكيمياء
وباوعت على شعبك لكيتة كلة أموات وإنطيتك صفر يا وطن بالأحياء
والتاريخ أصلآ ما أسألك بي لأن بس هذا الدرس بي ماخذ إنت إعفاء
وصرت أكسل بلد إنت بالرياضيات يحكمونك جبر وتكول إستفتاء
طرحتنا وضربتنا وقسمتنا هواي وبعد ما ننجمع حاصل جمعنا أشلاء
وإحنا بدائرة ونصف المحيط ذياب والمركز عميل ونص قطرها أعداء
مثلث سيني جنا وشيعي متوحدين كسرتوا ضلوعنا ومامكتفي بما جاء
وخذت مو بس صفر مية صفر بالدين بيك حسين ميت والطغاة أحياء
بيك العسكري إلمازارة شيعي بطيف مسجون بحضرتك لا سقف جرداء
ومالك ينسرق سراقة معروفين حتى الأعمى سألة يكول هولاء
ولا فتوة سمعت من كل رجال الدين وسماك من العمايم تنفرش سوداء
إنسلب حقنا عليك والحسرة ما تنقاس كبر حسرة فدك عد فاطمة الزهراء | |
|
المشمشه ::مشرفة عامة::
عدد الرسائل : 2206 العمر : 39 الأقامة : ماليزيا-كوالالمبور مزاجي : جنسيتك : علم بلدك : الأوسمة : تاريخ التسجيل : 30/10/2008
| موضوع: رد: ناجح مدري راسب الإثنين نوفمبر 09, 2009 10:41 pm | |
| الله يا خالد روعه وابداع سلمت يمناك | |
|
عاشق العراق ::نائب المدير العام::
عدد الرسائل : 1264 مزاجي : جنسيتك : علم بلدك : الأوسمة : تاريخ التسجيل : 09/10/2006
| موضوع: رد: ناجح مدري راسب الثلاثاء نوفمبر 10, 2009 4:30 am | |
| عاشت ايدك حبيبي كلمات روعه | |
|