مايع من شني مسويك رب الكون
اشخله على التراب وصاغ جفنينك
معقوله مثلنه بطين من سواك
ما ينقاس طبعن طينه بطينك
ربك صورك ونبهر بيك اهواي
وحط اسراره كله بنص سوادينك
يا الشابل ابطولك موت ملج الموت
وتاخذ با الرواح اهلك مخلينك
نار بجيتك وبروحتك هم نار
ونه احترك جدي بين نارينك
دنك بدي شعرك خل يفيض اليل
وغركني بهواك بحر عشرينك
دنك وشمر اكراب الخجل والخوف
وكتب على صدري بسيف رمشينك
يارب العشك سوه الجمال البك دين
خله رمشك رسول وقبلتك عينك
ما يحتاجلك قرءان تدعي للناس
ولا واحد يستئذن خاطر ايعينك
بس رمش بعينك من ترد للبيت
الناس افواج تركض تدخل ابدينك