شسولف

حبيبي شلون حالك وصفه اليه


عوف الناس كلهه وصفه اليه


مريض وصرت انت وصفه اليه


من اشوفك كل مرض مايبقه بيه



************************************
شسولف وانت يمي..وانه حاير بيك
بعد خليني احير وياك خليني...
خليني اعترفلك..وليحب مجبور
اضيعن بيك اريد ولاتدليني..
شفتك بالكلب..ماشفتك اني بعين
لان طبعك شمس ماتحملك عيني..
ماتكدر تعوفك..موتتني هالروح
واذا اردها عله دربك هم تمشيني..
تسودن كلشي بيه..وضل يسولف بيك
وانه وياك اضل عاشك سواديني..
مدري شلون اشوفك..وانت جوه الروح
واكول لروحي يمك خل توديني..
نص دين البشر.. لو رادو ايكملون
وانه الكملت وياك كل ديني..
تداوي الروح بيدك.. وبيدي امرض الروح
حته النوب ترجع هم تداويني
يم العين اشوفك.. وانت ماموجود

احسك تمشي دم بنص شراييني..
واشوفك انت انه..وانه انت تصير
واذا اشتاكيت الي اصفن وحاجيني.
*********************************