صرخ هاليوم كلبي يريد محبوب ***ويكلي الروح بالعبرات مختنكه
ما امنعه واكله امرني شتريد ***من حكه الكلب لو يحب من حكه
كتله امشي يكلبي انه وياك ***وياهو اللي تريده نحبه ونعشكه
يكلي اختار انه ونته ضل غاد ***نا اريدك تضل وياي تستنكه
انه اعرف حبيبي مسودن الناس ***وكلوب الخلك خلاهه محتركه
يوسف ما يشبهه الجنن الحور ***هذا اكثر جمال وما اظن يلحكه
كلمن شافه حتما كلبه يهواه ***والعشاك تمشي لصوبه وبحركه
تريد تشوف شمس التمشي عالكاع ***لا منه الشمس مستحيه ومدنكه
والاكثر بعد حتى الكمر طاح ***صار ويه الارض حتى الحلو يسحكه
هل العشاك كلها تقبله تريد ***ولو يرضى تبوسه بجدمه وتشبكه
ولو اشر عليهم رمش العيون ***جا كلب المحب عافه ويسبكه
ولو اكابل محب صداله بالعين ***يكض ثوبه المحب من شوكه ويشكه
وذا يحجي يصير لسانه معكود ***ودكات الكلب تزداد الف دكه
والاكثر يدك دكات الطبول ***لحد الما يخر ويموت بالشهكه
بقيت اسمع كلام محتار***ما ادري اجذب الكلب لو اصدكه
كتله بيا كتر هذا المحب وين ***وين بالهلخلك اوصافك شنلكه
كلي لكيت انه وحبي موجود***روحي بحيدر الكرار متعلكه
حبك ياعلي الكلبي صبح طوك ***وصاير جن حبل شد كلبي ومشبكه
واقبل لو تصير الكلبي ينبوع***واقبل يشربك ويموت بالشركه
......................................