(رساله الى حبيبتي)

شعري يروح فدوه لهذا العيون
يا أجمل حبيبه وساكنه بكلبي
يا ورده حياتي وأغلى ما بالكون
يا ضحكة سنيني ودنيّتي وحُبي
من صورة جمالج صابني جنون
ضعت آنه بهواج وتاه دربي
أمشي بلا خريطه وكلبي مفتون
عاشك والعشك تدرين يسبي
أذنب لو محبتج معصيه تكون
وما توبن أبد من هاذ ذنبي
أصبر عالبُعِد والعاصيه تهون
جندي آنه بهواج وانتي حربي
باجر أنتصر والكل يشوفون
ما أخسر أبد لو حان لعبي
قاسي وياي دهري وكالب اللون
أسود بس عليه وناس ذهبي
هدّ حيلي الزمان وماكو من عون
مرّه اوكف يحظي بيوم جنبي
أسهر وآنه افكر بيج وشلون
عيني بكل دقيقه اعليج تربي
حِطيّ كليبي عندج هذا عنّون
حضنج دافي بيه خلّيه يربي
بأرضج خل اعيش واترك الكون
وأهجر كل مراري وضيم تعبي
جنت وما زلت وأبقى آنه ممنون
شكرا جا خلقني اهواج ربي