برج الحمل
هذا الاسبوع مليء بالبواري (منين ما تلتفت تنضرب بوري)
تشارك مع والدك في عمل تأسيسات الماء للبيت (غصبن عليك طبعا)فيسقط عليك بوري يرديك قتيلا
ارقام النحس ماكو هوة انت راح تموت ......... الفاتحة
برج الحوت
سوف تفتح محل لبيع المواد الغذائية لكن لا تفرح كثيرا لان المحل راح يحترك بشرارة كهربائية و يروح الخيط والعصفور
ارقام النحس رقم الاتصال الفوري بالاطفاء
برج السرطان
وعكة صحية و حساسية بالجواريب لعدم غسلها بسبب انقطاع الماء
روح انكل ماي شوف لك حل صار بينة ربو من ريحة جواريبك
ارقام النحس رقم ماطور الماي
برج الجدي
سوف توضع في الحجر الصحي لمدة لا يعلمها الا الباري عز و جل
و ذلك منعا لانتقال عدوى مرض جنون البقر
ارقام النحس رقم زنزانة الحجر الصحي
برج الاسد
باختصار شديد راح تاكل بسطة معدلة وراثيا
(برج الاسد و خابص روحك)
ارقام النحس عدد الخياطات اللي براسك
برج العقرب
ماكو احداث مؤثرة
ينخمط موبايلك و 200 دولار و محبس ذهب عيار مثقالين و نص
رقم النحس رقم خط الموبايل
برج الجوزاء
راح يتزوج احد اقاربك و و يجي ابن عم العروس اللي نها عليها بس محد عبراه و يظل يرمي بقذائف الهاون
و يصوب العروس و يشرد و تطيح السالفة براسك لان هوة صاحبك وانت عزمته و ما تدري هوة ابن عم العروس
(خابرني اذا طلعت من السجن)
ارقام النحس 248422828284284
الله كريم تفرج ان شاء الله
برج العذراء
مشاكل مع الاهل تؤدي الى طردك من المنزل و نومك بالعراء لمدة لا تقل عن شهرين
ارقام النحس عدد لسعات البعوض بجسمك
برج الدلو
لكونك برج الدلو ( يعني السطل ) راح تظل تنقل ماي بالسطل طيلة ايام الاسبوع و العمل 23 ساعة
و الساعة اللي بقت البسها و تفيك بيها على جماعتك
ارقام النحس ماكو خلصن
برج القوس
سوف تذهب في رحلة جوية و ليست زوراء الى الهند
و في منتصف الطريق يصير بنجر بالطيارة و ينزلونك بالمضلة
و تفرح عبالك انت بالهند تالي تطلع على سطح بيتكم
ارقام النحس رقم تاير الطيارة
برج الميزان
راح تحصل وظيفة زينة ونحول و تباشر بالدوام يوم واحد وتنفصل بسبب الغياب
مع العلم هذا اول يوم دوام لك
رقم النحس رقم معاملة التعيين
برج الثور
راح تنقل من وظيفتك الاصلية الى مزرعة الغراف الحكومية
و تحصل على ترقية بنطحة هايشة بيها حمى قلاعية
ارقام النحس 8 (طبعته الهايشة على وجهك)